无力招架负评！前港姐何依婷埋藏旧情伤疤

etin

艺人何依婷（Regina）于2017年夺得港姐亚军而加入无綫，4年来除不时担任节目主持，亦拍过剧集《机场特警》、《陀枪师姐2021》、《星空下的仁医》（前名儿科医生）等，于《十月初五的月光》更担任女主角，问她会否觉得受到公司器重？她说：“我又唔觉得特别受厚待，每个人都有长处，反而觉得自己有少少运气。其实一路以嚟好多谢监制畀啲好角色我，我系一个冇自信嘅人，样唔够人靓，戏唔够人好，好似乜都唔系好好，镜头后又会谂好多嘢，幸好啲作品出街后，观众反应OK，自己都好意外。”

欧游晒相　被批炫富
与她同届的佳丽没太多留恋本地的演艺圈，反而前后两届的陈晓华、冯盈盈却发展理想，相比之下，Regina虽并非锋芒毕露，但胜在负面新闻较少，她说：“可能我生活较乏味、单调。我觉得负面新闻的确会影响艺人工作，担心人哋睇唔到自己努力，庆幸自己比较少。”问到入行至今甚么新闻最令她不开心？她说：“嗰阵啱啱参选港姐，网上有一啲唔系真实嘅说话，因为嗰阵读大学时有个Program要求去外国读1年书先可以毕业，我就去咗英国，人生第1次去欧洲影咗好多相，放咗喺社交网后，啲人见到就话我炫富、拜金，只不过系一个10几20岁嘅女仔同一班同学去，其实我系穷游、住民宿、瞓火车，但啲人就会话‘肯定又同啲男人去啦’！我觉得成件事有少少委屈。（当时点解唔出嚟澄清？）我冇呀！嗰阵冇人教我点做，就吞声忍气，其实我个人好惊青、好细胆，表面好似好老练，其实系鳄鱼头老衬底。”

相处融洽　男友难搵
入行4年，已令她看透很多事，但求做好自己，以行动证明一切：“人哋点讲我控制唔到，只要嗰件事唔系真，我觉得时间可以证明一切。”说到有指她入行即狠撇男友，她说：“其实同佢分开嘅新闻出街时，我同佢已经分开一段时间，我都Get Over咗，自己大个咗，唔会好介意人哋点讲，我觉得两个人拍拖相处系好紧要，无论我做乜嘢行业都好，相处唔到就系相处唔到，而且我当时唔想出嚟澄清，系因为我同呢个男朋友都一齐好几年，唔想公开去伤害一个曾经喺埋一齐嘅人，唔想数佢有乜嘢唔好、自己又有乜唔好，冇必要将个伤疤画出嚟畀人睇，我都会伤心嘅！（件事又牵连到你妈妈，话佢一直想你入行，唔想被感情事拖累？）完全唔关事，系本身性格问题，因为一齐耐咗、了解对方而分开，依家分开咗两年几，我唔急拍拖，要搵一个性格相处磨合到嘅人唔容易。”