港姐起底：梁嘉茵Double Major学霸 名花有主狂放闪

etin

今年港姐首轮面试佳丽层出不穷，当中有不少是高等学历，昨日有人爆料，指其中一个面试者梁嘉茵（Karine），喺加拿大多伦多大学以double major修读建筑系和环境地理系并以荣誉生毕业，跟住仲返香港喺香港大学修读硕士，仲同2018年香港小姐亚军邓卓殷系同学。翻查佢个社交网，见佢上个月喺港大影毕业相，仲开心到飞起，唔够1个月就见佢参加港姐，行程相当紧凑。

Karine喺社交网成日上载日常生活美照，当中仲见到佢戴头盔“落Site”，同时佢成日帮一啲国际组织工作，真系好忙碌。而佢都有自己座右铭，就系“Live in the present， Learn to love yourself”（活在当下，学习爱自己）。不过靓女已经名花有主，男朋友都好有才华系夹Band㗎，对音乐好有热诚。佢哋拍咗2年拖，成个社交平台大部分都系同男友合照，好恩爱呀。