【厕所求婚】洪永城宣布娶梁诺妍：你是我的福气！

etin

艺人洪永城（Tony）与梁诺妍（Inez）于2018年公开认爱，他们昨日正式公告：“我哋要结婚啦！”一对准新人早前更秘密影结婚相，只见婚照两人双手紧握在一起，寓意他们手拖手，今后一起笑住过！他们又分别在社交平台上宣布喜讯，洪永城说：“由一齐跑步、到倾电话、睇日出、拍拖、不计划的旅行、到扮攰逃避跑步、通宵睇动漫、同居、到我们至爱Coco离世、到开工连晚安早晨都没有机会同你讲、到今日一齐携手踏上我俩的新旅程，好在有你，紧握我手，我希望一世都有你在身旁，追到你是我的侥幸，娶到你是我的福气！”

梁诺妍说：“下半生手拖手，继续一起跑下去，继续跑去世界每个角，感恩遇到你，常常带给我欢乐，照顾我陪我通宵睇动漫睇网球比赛，工作上的互相扶持，愿馀生我们也要一起笑住过，我们结婚啦！”

梁诺妍透露洪永城的求婚过程，既搞笑又感人，她笑说：“佢嘅求婚过程系好好笑，好多虾碌嘢发生，佢喺屋企个厕所度求婚，我觉得好好笑，不过好系佢嘅style，成个过程我系笑到喊，不过都好感动，有晚佢拍完嘢返屋企，就入咗厕所一阵出嚟，跟住到我人有三急入厕所，佢又跟住我入厕所，当我打开厕所门，原来佢喺厕所度布置咗有一个摄录机，又喺洗手盆度放咗啲微型灯泡，又有一束鲜花，镜上又贴咗啲心形卡，仲写上MARRY ME？我好笑又感动，我问佢点解要喺洗手间求婚？佢话知道我一定会去洗手间，最好笑系佢拎只戒指出嚟求婚时候，我话我真系好急，你等一等我去完厕所先，结果佢要等我办完大事再求婚，我就Say Yes！”

其实喺今年过完农历新年后，Tony已经向Inez求咗婚，之后Tony就开始筹备他监制的电视剧，Inez就专注她健身中心搬店和拍摄节目的事。他们依家一边忙于工作，另一边厢筹备婚礼，婚礼会在今年内举行，落实日子会开心share给大家。

​

至于身为洪永城红颜知己的黄翠如，对于好友快做老衬，她说：“当然知道呀，说不出的感动，终于见证他长大了⋯⋯叫佢10年前争我嗰500蚊快啲还畀我，如果唔系唔打只金猪畀佢！”

点解厕所求婚？

洪永城接受《东张西望》访问，则大赞女友无得顶：“有佢喺我身边的确系一件好开心嘅事，佢系一个好正面、好正能量嘅人，就算我几攰、几负面同几灰都好，佢都会喺我身边引我笑，讲啲唔好笑嘅笑话，精神上支持我，有佢陪住我，我好幸福！”

至于何解选择厕所求婚？他说：“我想佢一推开厕所门，见到啲花、布置，点知佢真系好急，本来我想跪地，但佢话屙埋先，我就喺旁边等，佢出嚟就再求婚，我都叫佢唔好讲喇，咁乌龙嘅嘢。（几时结婚行礼？）计划紧，依家忙拍剧，一知道会同大家讲。”