期待第5次拍拖！陈滢收张子丰做“兵”

etin

自爆曾拍过4次拖嘅宅男女神陈滢，早前暗示最后一个男友正系赌王四房公子何猷亨，依家变为单身，仍等待第5个出现。女神单身，机会嚟喇，据知佢依家大把人追，只系睇啱唔啱佢心水。有传唱片公司太子爷张子丰（Fred) 对陈滢嗒糖，日前陈滢相约好姊妹何雁诗、赖慰玲、Cheronna等去High Tea，Fred都有同行，期间Fred更自动打开背囊，帮陈滢袋随身物品，被指做“兵”，以Fred嘅家底，加上如此献殷勤，唔知佢哋关系会唔会更进一步！陈滢昨日喺南丫岛拍摄，得知传闻后有啲不快，唔想回应，佢同Fred属同一经理人，经理人已经叫咗Fred回应，自己唔想讲太多！而据知，当日陈滢只系去庆祝经理人生日，冇叫过男方拎袋，而嗰个手袋系何雁诗！