岑丽香产后谷胸现身 喂人奶每日瞓得4粒钟

etin

艺人岑丽香身穿背心裙谷胸到电视城，出席新剧《宝宝大过天》之“快乐小粽子”记者会，是她诞下第2胎后首度现身。但男主角马国明因身在内地未能出席，与同样未能出席的李国麟以纸牌人“现身”，期间现场打电话给马国明，剧中妈妈商天娥“质问”他去了做商演搵钱？马国明即尴尬“入戏”话要搵奶粉钱，又表示公司已召他回来，很快会回来跟大家见面。

健康要紧唔急收身

香香透露4月30日出世的细仔刚满月不久，见她身形已很Fit，但她笑言收身未成功，入面有腰封，现时只有一条裤啱着，但不心急收身，因健康最紧要，不会给自己压力，现时亦有喂人奶及奶粉。她坦言现凑2个小朋友都OK，但忙了很多，睡觉时间少了，每日只能斩件式3个或4个小时睡觉，但大赞老公强强很帮得手：“佢会摆定啲奶粉嘅份量，又预备晒奶樽，会用最快嘅速度喂到奶。”又感恩有陪月帮手。她又指大仔慢慢接受细佬，更会跟他分享：“有时我见到佢将啲玩具摆喺细佬只手度Share，几乖，觉得佢锺意细佬，都几感动。”

首演妈妈角色

她又笑言本身想休息多一会儿才复出，但现时出新剧，希望大家会喜欢。她首次演妈妈角色，剧中与2岁多的囡囡合作：“都有啲难，因为佢得2岁几嘅人生经历。”但她坦言近期亲身经历剧情，令她感受深刻：“记得有场戏送个女返学，佢一开始喊到唔想返，到后来习惯咗返学，就好快咁同我讲声Bye就拧转头，当时我要演绎又想笑又想喊，但自己未经历过，所以就跟剧本做，到呢几个月2岁几嘅大仔返学就系咁，好开心咁讲声Bye就拧转头行入学校，连同佢讲句I love you都冇机会，都唔舍得，但又感动同Proud of佢大个仔，所以我都有机会喺剧本偷师。”讲到剧中有囡囡，现实中可想追个女？她说：“畀我搞掂呢个先，听神嘅安排，顺其自然。（强强呢？）依家呢1、2个月系最忙，唔好谂住。”