陈凯琳拒绝郑嘉颖好意 自爆准备“退隐”凑仔

etin

艺人陈凯琳昨日到尖沙咀，出席曲奇活动。一直爱整甜品减压的她，今次与曲奇品牌合作，推出蛋糕系列，她透露：“其实农历新年时试过推出曲奇饼，咁就嚟30岁生日（6月23日），想喺呢个时候再嚟多次。（有乜生日愿望？）都系想简简单单，一家人切吓生日蛋糕咁。”

谈到今年未能出埠庆祝，她谓：“可能去吓staycation，玩完唔使我执屋。（老公郑嘉颖畀惊喜你？）我同佢讲咗唔使，依家知道大家需要啲乜就得啦。（送间饼店畀你？）唔好啩，情况等于人哋送宠物畀你，需要好多时间照顾，一啲都唔简单。”她坦言近期内无意将整饼兴趣变成生意。

陈凯琳续谓以往拍剧，觉得整饼不用与人沟通，让辛苦工作得到喘息机会，如今则变亲子乐：“试过同大仔一齐整，佢帮我放材料落去，其他嘢唔畀佢试住，惊搞乱档。”日前她已完成《日日妈妈声》最后1集录影，短时间内都不会亮相幕前：“就嚟又暑假，想陪吓小朋友先。”