爆王君馨要求好高！卫兰靠好姊妹提点变靓啲

etin

歌手卫兰（Janice）日前上娱乐新闻台节目《StarTalk》，接受主播许文轩访问，大谈推出治愈系专辑《It’s OK To Be Sad》的感受。她感恩外界形容自己为“治愈系”歌手，觉得用音乐治愈他人是做歌手的使命︰“就算只系帮到一个，我都已经成功咗！希望透过新作品鼓励大家，有唔开心唔可以抑压情绪，要释放出嚟。”

Janice直言不开心的时候，身边总有班好姊妹跟她倾诉︰“王君馨会畀好多意见我，好有用，佢要求好高，例如提醒我着衫方面点样可以好啲，企喺台上点先会有气势同靓啲；锺舒漫同锺舒祺系好搞笑，每次同佢哋倾偈，好自然就唔会记得啲唔开心嘅事；而我会主动问我妺妹卫诗意见，佢会畀啲方向我、畀我一啲肯定，令我下决定时会更加有信心。”

对于成为《声梦传奇》导师，Janice表示分别被学员及评判所感染，从中学习成更好的歌手︰“见到学员上台好有勇气、有信心，令我觉得都要进步；而评判畀嘅意见，都会令我反省、留意番自己嘅表演、唱功，所以好感恩有呢个参与机会。（落场比赛紧张？）会呀！作为导师上台走音同甩拍子就会畀人话，所以好紧张，但系我想讲老师都系人，某啲日子都可能会唱得唔好，不过一定要尽力做到最好！”