激罕扮靓见人！朱千雪嘲冇本事再着泳衣骚Quali

etin

近年转做大律师的朱千雪久未现身活动，与其他港姐冯盈盈、陈晓华、陈桢怡及郭柏妍在将军澳电视城出席《2021香港小姐竞选》之“最后召集”记者会，朱千雪表示不知不觉已选了港姐9年：“选港姐最大得着系经验，training喺演艺或其他行业都用得着，例如同人倾偈、着衫、化妆、勤力，嗰几个月好辛苦，所以选完港姐系好挨得嘅人。”又表示识到很多好朋友，汤洛雯及岑杏贤就是面试时识到。问到身边可有人叫她做提名人？她笑言：“我成日都好欢迎，但暂时冇，当时都系好彩有个朋友鼓励我选，我都叫朋友啲女第时可以选港姐，同埋选港姐会做好多一世都唔会谂住做嘅嘢，着泳衣、才艺，可以练胆量。”

她又笑言现时谂番都觉得当年很大胆：“嗰阵唔为意着泳衣会尴尬，或够唔够瘦或靓，但依家冇本事再做啦。（因为结婚后幸福肥？）其实比起结婚前差唔多，但依家工作冇郁得咁多。”又笑言已年多没有扮靓出席活动，平时返工都只是穿斯文套装及化淡妆，问到可会想拍番剧？她表示：“睇公司同时间安排，暂时未有计划。（有戏瘾？）有时都挂住fans、记者、同事，始终喺度都9年。”她又笑说年多没回来公司，刚才在停车场迷路。

讲到好姊妹岑杏贤有喜，她笑言：“系呀，好戥佢开心。（会唔会做契妈？）系我哋自己问就得㗎啦？我以为要佢邀请添？但好戥佢开心，觉得佢会系个好妈妈，因为佢好锺意小朋友。（几时到你自己？）顺其自然啦，大家都忙，费事有压力，好彩双方父母都冇催。”提到她之前连蒸水蛋都失败，她笑言已恶补厨艺，现时连中汤都识煲：“收工都仲会返屋企煮餐简单饭，不过嗰阵学蒸水蛋，整咗10几次，老公都讲笑话系咪仲要继续食蒸水蛋，佢煮嘢食叻过我，佢就觉得好简单。”