萧正楠摆马国明上枱 汤洛雯冧爆等男友“收割”

etin

艺人萧正楠、汤洛雯（靓汤）简淑儿及利颖怡等，昨日下午于电视城宣传无綫剧《一笑渡凡间》。谈到剧集首播时，阿萧有场面上长满紫色毒疮、瞓山头待救的戏份，播放时间仅短短1分钟却拍足数日，拍摄时他更不停“畀嘢咬”，十分辛苦。阿萧谓：“嗰个妆会不停喺梦境出现，所以成日要化，每次两个几钟，好多同事帮手。”

靓汤即取笑阿萧曾索性“打横瞓”，情况似先人化妆，阿萧闻言腼覥谓：“知道后冇再做啦，有时唔够瞓真系冇办法。（攞番封利是啦。）你畀我？”靓汤又自爆剧中多以捕快造型登场，唯一一场女妆戏被取笑“女扮男装”，阿萧即接口：“要有惊艳嘅感觉，我用马国明望住佢嘅眼神嚟演戏，流晒口水咁。”

靓汤见阿萧拖男友落水，即大发娇嗔：“做乜我哋宣传成日讲佢啫？”阿萧搞笑承诺待马国明有剧出，自己会踩场赠兴，靓汤即说：“咁啱喇，佢喺内地仲有成个月先返，嚟紧《宝宝大过天》宣传靠你！”谈到马国明折返内地公干，靓汤坦言男友已逗留约1个月：“佢应该会再留多1个月，所以《宝宝大过天》头两次宣传，佢应该出席唔到。（佢又攞咗你只公仔同行。）系，已经据为己有，唔知有冇分尸呢？（佢几时将你据为己有？）呢层要问佢喎。”​