马浚伟舞台剧硬蚀廿几万 黎瑞恩帮手煮饭盒好窝心

etin

艺人马浚伟与黎瑞恩（小恩子）昨晚在葵涌为舞台剧《男人40 CEO》彩排。舞台剧原本去年演出，但因疫情延后大半年，他大赞第1次做舞台剧的小恩子进步神速，剧中也没有迁就她，没有当她是新人，小恩子则说：“我好紧张，自己最渣系讲嘢，今次全程都要讲嘢，相信唔多唔少会发台瘟。”马浚伟则笑说：“我最惊系望住你忍唔住笑‘焗蟹’，见你入咗角色个样真系好猪呀，哈哈。”

他指舞台剧将开10场，即使卖去所有门票，因场地限制7成半入座，也要蚀钱，他说：“今次蚀硬，大概白白冇咗廿几万，同埋自己编、导、演亦冇钱收，但赚番佢（小恩子）啲饭盒钱，佢仲帮我买埋厕纸、咖啡、洗厕所水，本来仲想帮我洗埋厕所，真系感动嘅，佢好识照顾人。”小恩子笑说：“冇个女人系唔得㗎。”

小恩子早前发现胰脏生了两个良性瘤，但因无药可吃，她决定放弃治疗保持乐观心情，后来竟然神奇地康复，她说：“医生话冇药食，只可以开心啲，有啲病系屈出嚟，生死有命，所以我唔理佢、保持开心同玩，有日发烧入院顺便检查埋，但两粒嘢竟然冇咗，得番两个疤痕，冇做过治疗，医生都话唔知点解。”​