卷自慰片风波后首现身？吴伟豪疑告别《爱．回家》

etin

无綫处境剧《爱．回家之开心速递》收视一向都好好，但有个坏消息，其中一条制造大量笑料嘅香港岛大学（岛大），随住周嘉洛因为要拍新剧而暂别剧组，所以“岛大”呢条线亦都出现变化，剧中饰演阿壮嘅焦浩轩，Post出一张背影照说：“再见，多年嘅大学生活，大家终于成长毕业。”而“书虫”（林浩文)、头皮（吴卓衡）亦有转发，并表示“miss you guys”。不过最好笑系池子孝（阮政峰）嘅留言，因为佢表示：“你哋毕业咋喎，我未架（㗎）喎，咁我可以扁嘴啦！留低我一个人。”

随后，苏韵姿都上载合照，留言：“就像真的大学一样，每一步都有大家在旁，一起成长。好感恩能够同大家一起“上学”，不舍得但是终于要 #告别学园#心如嘅博士学位仲未完成㗎！”

不过最令人惊喜嘅系“朱凌凌”吴伟豪现身，早前佢卷入自慰片风波，之后潜水咗一段时间，今次首次有新相出现喺社交网，而身旁仲有林凯恩及苏韵姿搭实膊头，似乎系想畀啲鼓励佢！不过未知张相嘅拍摄时间，未知系新相定旧相呢？不过亦有好多网友话呢张相好似成班演员同吴伟豪告别时影嘅合照，话佢卷入自慰片风波后，前途未明，仲有冇得拍《爱》都系未知之数！​