唐诗咏嫌隔离14日短：剧都未煲晒！

etin

艺人唐诗咏、陈庭欣、张达伦、张彦博等为无綫节目《我在隔离的日子》录影，其中有份拍摄新剧《白色强人II》的诗咏及张达伦刚回港。受访时两人均表示只有一次隔离经验，诗咏分享隔离生活就是循环不息的食、煲剧及瞓，直到一星期后才远望街景及有想出门感觉。问到有否隔离到抑鬱？她笑言没有，甚至嫌隔离时间短：“太快完，本身系隔离21日，但之后突然Cut咗7日，14日就出关，所以最尾嗰几日好忙，系咁煲剧，但都未煲晒！”

问到带了甚么隔离必需品？张达伦自称准备充足，先有跳绳做运动，再有准备了煲煮面食，他说：“唔知啲嘢食啱唔啱食嘛，但点知都唔差，所以唔算辛苦。”而诗咏就话带了两个煲用来煮食，及一部细洗衣机：“发觉隔离期间好清楚自己需要啲咩，我就系食物，但监制有讲过唔想一出嚟见到我哋唔同样，所以要忍口，用煲剧分散注意力。”并指期间有同其他演员视像、相约一放“疫监”就去行商场，又会问陈豪攞咖啡饮，感觉感情更深厚。

另外，刚踏入4字头的诗咏，表示正日只是简单食饭庆祝，又大赞好姊妹黄翠如好“贴心”：“我唔食牛，但佢搵咗间专食牛嘅店我庆祝，最好味系啲配菜。（你得罪咗佢？）冇，好姊妹嚟，哈哈！”​