黄翠如1,000万过澳洲生活？契咗只羊驼做女！

etin

艺人黄翠如昨日出席外国地产项目活动，被问到有否于外地置业打算？她指其实早年已与一位马来西亚闺蜜于当地置业，她説：“由细到大我哋都好想将来有间屋可以一齐住，所以我同佢一齐买咗个单位。（点解唔系同老公萧正楠一齐买？）一年前我哋都有想飞过去睇一个单位㗎，但可惜疫情影响一直飞唔到。”她又指澳洲是想她另一second home的选择，她说：“我有朋友将自己嘅财产变卖晒，喺澳洲买咗个农场，再喺城市买咗个屋企，我成日好恨过佢嘅生活㗎，佢屋企养咗好多羊驼，我仲契咗其中一只做契女添，佢出世嗰阵因为头顶有粒红点，所以我帮佢改个名做‘红豆’。”

她透露很向往农庄生活：“睇住朋友由先买啲猪仔养，再逐步买埋鸡呀羊驼呀咁愈养愈多，好似以前打机咁，玩动物农庄。（老公制唔制先？）当然大家都有屋企人喺香港需要照顾，移民长住就暂时冇乜可能，但会期望可以有啲时间喺海外过简单生活，系好开心嘅事。（要咁样嘅生活大约要几钱？）一定平过香港，喺城市买个物业大约600零万港币，再加100万港币左右买个农场，1,000万内其实OK㗎啦！（呢个目标依家你哋都有啦？）咁要变卖晒我哋两公婆所有资产，但喺香港要暂住喺人哋屋企啦，哈哈！（你可以放弃晒啲工作？）我谂住到时叫老公出去做嘢㗎啦，我自己就享受农庄生活。”问到到时是否开始造人大计及有否计划“雪卵”？她笑説：“冇呀，结咗婚唔使啦吓话，睇天啦，一切随缘。”​