决洗冇脑港女形象 冯盈盈戒色博有代表作

etin

“新闻女王”冯盈盈拍剧、综艺“起双飞”，但为了提升演技，即使忙爆仍修读心理课程。视演艺为终身事业的她，短期内不打算再拍拖，为求进步不惜“戒色”牺牲恋爱，婚姻更是遥遥无期！由于对自己要求很高，压力爆煲的她早前不但月经失调，连发梦都谂住拍档陆浩明，连自己都吓亲！

下月10日便踏入27岁的冯盈盈，出道时性格率真，经过5年时间洗礼，炼成金刚不坏之身。以为连串是非会对她造成心理烙印，她向Fans大派定心丸：“真系冇唔开心，反而感激大家留意我。要保持呢个心态，同自己讲唔好谂埋一边，正所谓No news is bad news（没有新闻即是坏新闻），只系早排屋企人打畀我，问我要唔要搬返去一齐住，先知原来佢哋好担心我，所以就提醒自己做好啲啰！”

“加签”无綫10年约

她无意效法麦明诗及朱千雪另谋发展，坚定视演艺工作为终身事业，更与无綫“加签”10年约，未来尚有很长的一段日子要走，催化她变得成熟：“以前成日Natural high，讲嘢可能过咗分寸，虽然唔系刻意令其他人有Hard feelings（难受感觉），但都畀人唔经大脑嘅感觉。依家人大咗经历多咗，唔想再好似以前咁Green（幼嫩），令观众觉得我冇进步。”

惊觉升呢“阿姐”级

盈盈有感《#后生仔倾吓偈》人才辈出，跻身一众KOL中，蓦地变身“师姐级”，她说：“之前为《开心大综艺》彩排，我同6号（陆浩明）喺旁边畀意见，同佢哋睇Playback检讨。年纪上可能大家差唔多，但我已经好似前辈，好似火速成长咗咁。”最近盈盈的演出可谓遍布“每一个角落”，由电视剧到综艺节目，几乎日日见到她。

谈到事业，不无野心，她直言希望“代表作”早日出现：“无论系剧集定节目，都想观众一提起，就赞我嗰次做得唔错。”近日《逆天奇案》正在热播，盈盈的“超港女”演出成为网民热话，她亦自知角色乞人憎：“不过换个角度讲，畀人闹即系做得成功啦！（剧中单恋陈展鹏，现实中有冇试过？）真系冇喎！但假设性咁讲，我谂我都会好似角色咁，唔会周旋于三角关系，独立女生自己都可以过得好好，而且人生除咗感情，仲有好多重要事。”

做番学生哥呻难

与医生旧爱甩拖，绯闻男友郑衍峰又冇下文，短期内未有打算再堕爱河的她，谢绝任何异性埋身！她将日常生活“逼爆”，每日仅休息数小时：“去年底开始，我报读咗个关于心理学嘅课程，知唔知咩叫Deadline fighter（死线战士）？我6月要交十几份Paper赶毕业，但依家只系做咗几份咋！觉得自己青春不再，只系大学毕业咗几年，依家做番学生感觉已经好难。我又唔系打算考获专业资格嘅，毕到业都算对自己有交代喇！点知我压力大到不堪，有晚发梦同6号一齐考Science（科学），佢话佢识晒，我当堂成个扎醒，你话几恐怖呢！”