投资艺术品未蚀过钱 张智霖收藏亿元名画等退休

etin

继买车、储砖头及买名表后，圈中名人近期开始流行收藏名画作投资，其中张智霖（Chilam）眼光独到，至今“业绩”未录得任何亏损。身为日籍艺术家草间弥生粉丝的他，私藏对方大小画作逾10幅，加上其他名家作品，他现时拥有近亿元“珍品”，铺路5年后引退！

问Chilam为何锺情名画，他笑说：“起初系朋友之间讲起，咁咪试吓去睇拍卖，愈睇得多就愈锺意，自己搵资料，尝试了解唔同嘅画家同佢哋嘅画风，就系咁开始买吓卖吓，暂时都有钱赚嘅。（赚得最多嗰次？）都翻咗1、2倍，系我学嘅时间好，拣画又拣得啱。（起初开始买画动辄几百万，唔惊咩？）当时投资唔系好大，只系想买画去装饰屋企，慢慢了解更多，见到锺意嘅画家（作品）就开始够胆。”

本身是车迷的Chilam如今竟直指这项兴趣并不保本：“车一落地就蚀钱嘛，我依家比较锺意价值投资。买画保值之馀，我最锺意系考自己嘅眼光。（依家收藏咗好多靓画？）最多嘅系草间弥生画作，成日去佢嘅展览，虽然未见过佢真人，但同佢经理人好熟，有时经理人问佢卖唔卖畀我，佢知我系香港艺人就肯交易。”据悉，他曾经花4、5百万港元购下一幅经典“南瓜画”，粗略估计至今已升值至近千万，加上其他名家作品，其私藏名画市值分分钟已上亿元！

问到屋企是否已被名画包围，他笑着解释：“屋企其实一幅都冇，以前囝囝细，我惊佢啲玩具飞落画度就大件事，加上西斜，所以另外搵地方保管。（点先肯割爱？）我嘅交易唔算频繁，系收藏成分多啲，艺术品系好嘢嚟，有时卖都只因拍卖行嚟要求我。有心愿想开一次展览会，同啲同好者一齐鉴赏吓。（你去学画画啦！）想过去学，但谂深一层不如将啲时间花喺最有价值方面，唱多只歌、拍多套戏好过。”

5年内退居幕后

另外，为他有份参加的内地型男综艺节目做准备，预计最少逗留数月，他说：“详情就等节目组公布啦，不过可能系我最后一次做类似嘅节目演出，50岁做一次都几好吖！（仲好后生啫！）体力唔得喇，其实都自觉，如果要再挨通宵戏、为演唱会操练，真系会好辛苦。如无意外我不出5年应该会退出幕前喇！”

他又指若不是疫情的话，早已举行了“告别演唱会”：“本来谂住做埋呢次，依家真系唔知几时先有得企上红馆喇！作为一个艺人，我觉得有责任出吓嚟，畀机会想见我嘅观众见吓。（退出大家会好唔舍得！）天下无不散之筵席，咁多年我已经将最好嘅自己献咗畀观众，即使唔做幕前，我可以做幕后，投资吓项目、开制作公司咁，将我咁多年喺圈内学到嘅嘢用番出嚟！”

现年92岁的日本艺术家草间弥生，其雕塑、画作及装置作品，成为当今最具影响力的在世当代艺术家，更被美国艺术网站选为“21世纪十大前卫艺术家”。圆点及大南瓜可谓她艺术生涯最具标志性的主题之一。她的作品一直受追捧，最为人津津乐道是，于2018年她的作品《南瓜（PLOE）》以$2,800万港元成交。​