被质疑“扮紧幸福”！汤怡一句话KO网民

etin

现正佗紧BB、预产期7月嘅汤怡专心养胎，同网民玩“你问我答”打发时间，唔少网民问佢怀孕心得，而汤怡都好有耐性一一解答，佢就话：“怀孕初期每朝起身、少少肚饿、饭后都会作呕，一向好锺意食甜嘢嘅我，头3、4个月一谂甜品只系谂咋，都想呕，所以嗰时想食咩就食咩，4个月后就慢慢回复正常，你哋要加油呀准妈妈爸爸！”又坦言有情绪问题：“如果0到100嘅话，麦生话我系0到200！”人前人后同麦秋成好恩爱嘅佢，竟然被网民质疑“扮紧幸福”，汤怡冇回避问题更直言：“两个人嘅幸福，从来都唔需要第三者去认同呀！”​