被追问女神片下架！张曦雯搵男友做挡箭牌

etin

艺人陈家乐及张曦雯（Kelly）出席活动，Kelly以高衩、紧身Tube Dress上阵，乌低身试饮新品时更微露线头，大晒健康性感！活动后二人一同受访，问到家乐可得悉前度余香凝生B？他说身边朋友有提及，并大方送上祝福：“恭喜佢啦！佢好似系生女，希望佢开心啦！（有冇Message佢祝福？）未有，因为我喺嚟紧嘅途中听到呢件事，同埋我谂都系唔好打扰佢，大家各自都有生活。”

问到何时轮到他结婚生B？他笑言：“随缘啦！唔好催我啦！（有爆料话你同女友连诗雅冷战中喎！）我唔回应啦，太无聊啦！”再追问到为何没有恭喜女友获微电影女主角铜奖、兼“520”示爱日没有行动？他即求饶：“我唔知点回答呀！太无聊啦真系！太多虚构嘅事就无谓答。”问到是否私下有庆祝？家乐搞笑向身旁的Kelly求助，但未能成功，只好笑说：“唔回应，哈哈！（女友返港后有见面？）唔话你听！都希望（感情事）低调啲嘅！（一直唔讲嘅话会唔会就分手？）哎呀！咩都唔想讲呀！总之稳定啦！”

问到Kelly可知无綫重新剪辑她于节目《3日2夜》中的片段，在网上平台“女神Channel”播出？她说：“唔清楚呀，我冇睇过，但有朋友Send讯息话我听。”讲到有网友质疑片段封面与ViuTV节目《ERROR自肥企画》相似，相关片段更被下架，她说：“我朋友都话我畀人闹。（觉得无辜？）但我冇睇到、收到，亦唔明发生紧咩事。（公司有同你讲有呢条片？）拍完几时再用我哋都唔知。（觉得封面相似？）有个句子系Imitation is the something flattery（某程度参考都系欣赏嘅一种），可以咁样睇，可能公司觉得佢哋做得好想Copy吓，唔清楚发生咩事。”

Kelly语毕即说：“不如讲吓我男朋友吖！”再追问之后会否主动了解事件始末？她说：“都落咗架，片段拍完就交畀公司。”此时，家乐“呷醋”大呻：“公开咗你哋（记者）就唔迫婚嘅！原来系咁！”惟再畀机会他公开时，他即“笠水”封口，笑爆全场！