阔太原来好师奶！林夏薇大平反：我都会讲价

etin

在无綫热播剧《逆天奇案》中与陈展鹏合作，饰演刑事情报科探员的艺人林夏薇（薇薇）2015年下嫁金融才俊莫赞生后，近年又进军饮食界，经常被标签为阔太及女强人的她，为自己大平反！自言是小女人的她，说事事以丈夫为先，只是外表像女强人：“啲人见我有自己生意，觉得我好事业型，好似女强人，其实我返到屋企好小女人，大嘅决定都系交畀老公。我喺《逆》嘅角色系会格价，现实中我都会，连去日本旅行我都会讲价，有次同喺日本读书嘅同学，一齐去当地嘅时装店，同学话从来未试过有折扣，但间铺真系畀咗折我，我觉得要尝试，合理地去讲价。”

汽水罐印名搞浪漫

剧中薇薇跟拍拖多年的男友遇上感情危机，而现实中她跟拍拖到结婚合共近9年的丈夫，感情依然甜蜜蜜，她自言比起激情，更重视营造生活上的小浪漫，为爱情保鲜：“好多人对薇薇嘅印象系好阿太，要去好贵嘅地方消费，但我唔系嗰种路线，我系会上网搵吓有咩郊外未去过嘅地方，会去亲近大自然。又例如老公生日，我唔系要食烛光晚餐或者送好名贵嘅礼物， 我试过喺汽水罐度印字，佢打开个雪柜，见到印咗自己个名嘅汽水罐好惊喜；我又会买投影机，可以改变屋企嘅气氛，好似去咗一个唔同地方，我都系几浪漫同有心思嘅人。”

事业家庭有得有失

作为爱家的巨蟹座，薇薇两度为家庭而在演艺事业上退下来。2015年上位之际选择结婚，2018年又为陪伴家人而停工一年，她看得通透：“家庭好重要，工作永远做唔完，有得有舍，冇办法乜都系你。（会唔会有遗憾？）都有，但依家唔系自己一个人，唔可以好似以前乜都唔理向前冲，放弃所有嘢，咁样好唔负责任，如果系咁，点解要结婚？虽然我好锺意做戏，但冇办法，屋企都有啲影响，我之前有啲剧要拍，家人会觉得你系咪应该畀多啲时间屋企呢？你又有生意，所以变咗好多时候唔可以控制。（恨唔恨攞奖？）如果有当然好开心，每个人都希望有奖攞，系对自己努力嘅肯定，但好多时好多因素，靠自己一步一步努力。（演艺上有咩目标？）太远唔敢讲，脚踏实地做好本分，有得做就开心，珍惜每个机会。”

回味北京苦日子　笑住喊！

最近薇薇在节目《开心大综艺》演趣剧时哭出真眼泪，演技受赞赏，其实她是科班出身，毕业于北京中央戏剧学院，是章子怡师妹。不少人以为她在演艺圈平步青云，其实有苦自己知，她亦只是由群众演员即“临记”做起，说时不禁眼湿湿：“我返香港前喺北京一个人读书，要周围去试镜同跑组，好似临时演员咁，有时拍咗成日都唔知自己演乜又冇钱收，觉得人哋摆明玩你，但又唔可以出声，因为讲咗之后下次就可能唔搵你，我真系经历过人情冷暖，人哋唔知你系边个嗰种态度，我全部都受过！呢啲都系好嘅经历，对将来拍戏有帮助，一个好演员系需要有。之前返北京去睇番以前住嘅平房，去到系笑住喊，原来我都系咁样走过来，我系好享受呢个过程，带畀我唔同意义，令我成长。”至于实力有否被低估？她相信观众眼睛是雪亮的，只要是金子总会发光，正如大学老师所说，没有小角色，只有小演员，每个角色都有发挥点。