送歌畀囡囡提醒初心 陈展鹏唔怕老婆呷醋

etin

艺人陈展鹏到电台宣传首支派台歌《零岁》，是送给囡囡的作品，希望带给囡囡幸福快乐，亦提醒自己的初心。他谓之后会送番歌给太太单文柔：“我啲音乐都系同身边人有关，老婆一定有份。（但第1首歌就送畀囡囡，老婆会唔会呷醋？）佢都开心，因为囡囡系佢怀胎辛苦生出嚟，我哋都希望个女快高长大。”他又谓囡囡有听此曲：“佢好开心，听到就话爸爸singing，佢第1次听耳机就系听呢首歌。（你好冧？）系呀，即刻影低佢，觉得好有意思。”

他又谓囡囡已识唱第1句，大赞囡囡有音乐天分：“平时我喺屋企练声，佢都会跟住唱，几聪明。”而讲到囡囡快将上幼稚园，他表示期待：“但都要准备好，要喺屋企教佢规律，都惊佢到时返学会喊，会唔舍得。（但依家你出门口佢会唔会喊？）唔会，但会有少少脾气，会拧转面唔望我，叫佢kiss又唔肯，不过我话放工买士多啤梨畀佢食，佢就即刻话好。”​