薛家燕孖6呎型男合作 开心到流口水

etin

薛家燕的首位乖孙尚未出世已经头脚好，带挈嫲嫲做广告女主角，而爸爸Jackson则任执导！Jackson则明益妈咪，安排了6呎嫩男合作，搞到家燕开心到流口水，她笑说：“位型男叫Daniel，识做戏又表情多，睇番play back发觉我哋几衬，我直情成个青春晒。”

问到可有和型男有肌肤之亲？她笑指︰“眼神好多接触，手仔就应该冇掂到。（几耐冇掂过男仔手仔？）唔系好耐啫，成日同人握手嘅，咁拖吓手仔都系礼貌嚟。”又暗示因疫情关系，和圈外男友天各一方，她谓：“真正拖手仔呢排就冇喇，惟有靠手机同电脑倾偈，希望可以快啲拖到手仔啦！”

家燕和仔仔Jackson再次母子档合作特别开心，又指儿子要求高：“佢嫌我饮果汁饮得唔靓，话要做啲诱人动作，我都唔知点解要诱人，要问吓做监制嘅大女。”因为狂灌3支果汁，结果她要频频如厠。

​