生日饭食唔停！袁伟豪高级餐厅擦生蚝做“超级人生胜利组”

etin

无綫小生袁伟豪日前40岁生日，老婆张宝儿连日来都同佢大肆庆祝，真系食生日饭都食到肥。不过唔好畀佢停，今次轮到王贤志同伴侣Kevin为佢庆生，王贤志仲喺社交网放上短片，纪录呢个开心时刻，张宝儿仲转载埋添！只见片中佢哋喺一间高级餐厅举杯庆祝，又大擦海鲜同生蚝，几咁写意！之前袁伟豪喺社交网发表示过“四十而不惑”言论，又话自己唔会因为成为人生胜利组而自满，引起网民热议，但连日来见佢生日派对一个接一个，有口痕网民就话佢其实系“超级人生胜利组”！​