胡鸿钧原来系大只仔 陈嘉慧要大大力推

etin

艺人胡鸿钧（Hubert）与无綫力捧的新人陈嘉慧（Erica）于鰂鱼涌一座旧楼内为新剧《爱上我的衰神》拍摄外景，剧情讲述饰演外卖员的Hubert送外卖遇上一位小朋友，期间更被Erica整蛊，被她大力推撞。

仍属新人的Erica受访时表示开工十几天，过程相当开心，整个剧组合作愉快，更有前辈Hubert、麦美恩及马贯东等提点，问Hubert有否整蛊她时，她得戚地说：“佢哋冇喎！系我整蛊佢先啱，剧情讲我哋系唔同空间嘅人，所以好多我整蛊佢嘅场口，之前有一场要我泼佢奶茶嘅戏，事后系咁同佢讲对唔住，头先又要好大力咁推佢，自己都唔系几好意思大力推，后来导演叫我大力啲，因为Hubert好大只、好强壮！（咁你多唔多NG？）都有嘅，因为自己都系学习紧。”

Erica又指剧中最幸福的是自己，现时天气炎热，Hubert经常要穿着厚厚的外卖衫拍摄，而马贯东亦要配合角色需要而穿冷衫，头发亦要扫上白色的颜料，相当辛苦。她透露剧中自己的角色是悲剧人物，当中亦有多场沉重喊戏：“一开头都好紧张，但同导演、监制倾完，佢哋都叫我尽量放松心情，（点令自己投入感情？）听吓歌啰！（Hubert即席唱畀你听？）佢喺隔篱就好似开紧免费演唱会咁，我就好似有部人肉CD机跟住咁！”

而Hubert被问到有否指点一下Erica时，他即谦虚说：“哗！我何德何能呀！自己都搞唔到，完咗《十月初五的月光》冇耐就开拍，中间要宣传歌曲都冇乜时间休息，依家年纪大，Recover（复原）唔到，嚟紧又要做新歌。我会尝试攞个平衡，自己又贪心，想兼顾晒唱歌同拍戏。”

Hubert又拍摄一场孭着前辈罗兰上楼梯的戏份，坦言有压力：“我唔系惊孭佢唔起，但孭老人家真系要小心啲，希望一阵可以畀到安全感罗兰姐！”