爆老婆锺意胡须 陈展鹏惨猪成个月冇得锡囡囡

etin

视帝陈展鹏、黄智贤（Ben）、冯盈盈、刘佩玥等出席无綫新剧《逆天奇案》宣传，监制刘家豪公布该剧首集7天跨平台总收视27.6点，除暂成为本年度首集最高收视，亦暂成为两线剧集首集收视冠军，高层杜之克也有现身打气。

对于剧集收视成绩理想，展鹏与Ben也表示开心，同声表示已于群组约饭敍，奈何禁聚令关系，故会待条件放宽再聚。问到太太单文柔可有捧他场？展鹏笑说：“OK，佢锺意我啲须。（有冇避开唔睇你同林夏薇啲甜蜜戏？）有啲桥段系喺我度抄番嚟，平时我会同太太撩交打嘅，系情趣。（太太有冇发现似曾相识？）佢蔑视我啰！仲话咁熟嘅，有啲桥段系同太太生活上某啲细节嘢，嚟紧都会有，都系甜蜜同开心。”虽然太太冧爆他留须造型，但女儿小猪比却对此大呼惊惊：“真系手掌手背都系肉，所以拍摄几个月冇锡到个女，好大牺牲，最近都有留番少少须，惟有早上锡个女，到晚上啲须生番出嚟，咁就锡太太。”谈到刚过去的母亲节，展鹏透露一日走足三场，分别是外母、太太及自己妈妈，至晚上返到家已攰到脚仔软，幸而下个月父亲节，笑指届时轮到他享受。

而Ben则表示母亲节当日，一早起床安排三只爱犬，扑到床上锡太太，晚上与太太及外母于屋企食刺身庆祝。