|
艺人高海宁（高Ling）早前敷黑色面膜玩深夜吓鬼后，日前担任方力申和当奴主持的节目《鬼上你架车》嘉宾，在车厢内分享灵异经历，佢话：“嗰次我同3个男人入𨋢，我揿极都揿唔到自己住嗰层，其中有2个男人出咗𨋢，我先揿到自己嗰层，但突然间部𨋢自己着咗两盏楼层掣，我就同剩番低嗰个男人对望咗一吓，但到咗我嗰层又唔停，我又同嗰个同𨋢嘅男人再对望咗一吓，部𨋢又喺着咗嗰两盏楼层掣嘅楼层停，嗰时我就谂出唔出𨋢好呢，但我又好惊，因为我唔系住喺嗰一层嘛，出咗𨋢又去边呢？我再揿自己嗰个楼层，终于停咗再开门，我好惊出𨋢。”
她绘形绘声继续讲恐怖事终于发生：“等个𨋢闩咗，我就返房，点知同𨋢嗰嗰男人突然冲咗出𨋢追住我后面，我心谂发生咩事，佢同我讲佢好惊呀，佢话成个背脊都好寒，我话有咩可以帮到你，但其实我系乜都帮唔到佢，佢话想停喺我房门平复吓心情，我话好就自己返房。”高Ling的鬼古是否恐布则见仁见智，但方力申和当奴就戥“嗰个男人”可惜，因高Ling“唔中计”没有让他入房“定惊”。​
| 
窥视卡
雷达卡
发表于 2021-5-10 08:10:02
提升卡
置顶卡
沉默卡
喧嚣卡
变色卡
千斤顶
照妖镜