余香凝担心唔识凑B搞到发噩梦 急急脚上堂学嘢

etin

正佗住BB女的余香凝今年的母亲节感受不一样，将做妈妈更觉十月怀胎，母亲的伟大，她说：“感觉好唔同，以前知道要锡妈妈，但冇依家就嚟做妈妈咁深感受。”母亲节余香凝会与妈妈食饭庆祝，她觉得最难忘的母亲节是，小学时有一次与妹妹将屋企打扫乾净，又到街市买花，令到妈妈回家时喜出望外，感动到眼湿湿，她说：“今年母亲节食饭好特别，会有两个妈妈喺度，阿妈当初知我有BB开心到喊，更加期待下年母亲节，阿女可以坐埋喺度一齐食饭。”

余香凝佗B以来虽然相当舒服，很少有不适和妊娠反应，但却因担心不懂凑BB而发噩梦，她说：“依家心情好紧张，之前仲紧张到发噩梦唔识凑BB，仲整亲BB，当堂吓醒咗，即刻同老公讲。两星期后又发同样嘅梦，老公就话一齐去上个凑BB嘅堂，上完堂了解咗，就定好多，就冇咁惊，冇再发噩梦。”她又赞老公相当尽责，一手一脚准备BB房，好似砌BB床、柜、灯等，她则在旁拍片，让女儿知道爸爸为她准备一切的窝心举动。​