艺人单文柔(Phoebe)婚后与老公陈展鹏诞下爱女Quinta(小猪比),现时小猪比2岁大,得意、可爱又靓女,爸爸展鹏主演的剧集《逆天奇案》正热播中,小猪比当然有捧场,还识学爸爸揸枪,相当搞笑。而妈妈Phoebe今年过第2次母亲节,以前没想过生小朋友的她,自从有了小猪比后,更见得母爱泛滥,不讳言时机成熟希望生多两个陪囡囡。
说到母亲节,Phoebe表示每逢节日,都会跟小猪比庆祝,给她一点概念,她谓:“可能自己自小受父母影响,好重视节日嘅仪式感,每逢过节,都会做番啲嘢,大大吓有咗家庭会着重过节嘅意思,因为可以令一家人聚埋一齐,我都想灌输呢样嘢畀小猪比,等佢知道乜嘢系新年、圣诞节、母亲节等,好多嘢都应该由细培养。”因此,纵使展鹏向来不太着重细节,都受到Phoebe影响,时间许可的话,会一家人进行些简单庆祝活动,让小猪比将来长大会有回忆。
而Phoebe自己亦相信今年的母亲节会比上年更开心及有感受,她谓:“依家小猪比开始讲好多嘢,对事物反应都唔同咗,所以节日意义会愈来愈大。上年因为疫情我哋冇出去庆祝,今年我哋就会同双方父母食饭、凼吓老人家开心,我自己虽然着重节日,相对对母亲节感觉淡少少,因为好多时都会为家人谂先,今年出去食饭虽然要分枱坐,但依家觉得愈简单就愈开心,如果可以一家人食完饭再出去郊外行吓、玩吓就最好。”​
|