歌手莫文蔚(Karen)日前担任TVB娱乐新闻台节目《StarTalk》的嘉宾,讲到相隔16年再开红馆骚感受,她说:“今次系我最后一次做大型演唱会,我一启动巡唱已经有呢个谂法,我好快下咗决定,唔会再犹豫,我觉得做每样嘢都应该有始有终,利落啲!更何况我做咗呢类型嘅巡唱已经十几年,已经好圆满。”
对于乐迷认为她过去的广东作品较前卫,令香港主流市场未能消化,她坦承也有可能:“2001年做《一朵金花》嘅指引系冇限制,谂得出嘅就去做,最后同伍佰老师造咗一张具电子、中乐同摇滚元素嘅专辑。好庆幸喺我嘅音乐旅程中,遇到咁多贵人同合作嘅音乐人,放咗好多可能性喺我身上。当时可能系行得比人前,但依家有新一代听番20年前嘅歌觉得有型,唔过时,我觉得呢个意义重大!”过去Karen推出国语唱片数量较广东碟为多,她解释因之前唱片公司以台湾为基地,而自己亦不执着用哪种语言去唱歌:“不过隔咗咁多年,反而愈嚟愈喜欢唱广东歌,可能自己技巧都好咗,觉得唱广东歌冇咁难。”
莫文蔚直言个唱后要改变生活节奏,把时间留给屋企人和老公,加上疫情令她有180度改变:“我以前一味工作,要Keep住好忙先安乐,坐多阵都唔得,自从上年返咗英国过二人世界,开始知道乜嘢叫做享受生活,我会煮吓嘢食、打理屋企同种吓花。最开心系重拾返弹琴嘅兴趣,以前为咗考琴同比赛,考晒试就放低咗,其实学习每样嘢应该系要享受,所以不停咁练习,呢排练咗咁多琴都有用,多谢今次演唱会弹下畀大家听!”​
|