艺人江伊晴(Elanne)和前歌手老公Oscar(萧唯展)结婚逾2年仍然恩爱,不过Oscar经常在网上公开笑太太“低B”,如几日前问太太为何拎了鸳鸯袜给他着,Elanne的答案是:“着咗鞋都睇唔到!”之后又发觉开封后的猫粮,太太用保鲜夹“求其”夹住一小角就算数,而最近太太为他炮制爱心餐,不过是白饭加一粒鱼蛋,相当“好餸”。
对于老公种种“投诉”,Elanne接受访问撒娇指Oscar乞人憎,经常在网上“数”她,所以必须作出“惩治”:“我咪煮鱼蛋饭佢食,佢再讲咁多嘢讲,连半粒鱼蛋都冇得佢食呀。”又指老公“有口话人,冇口话自己”,反投诉他说:“有次我出去做嘢,叫佢照顾好啲猫,点知我返到屋企,发现猫嗰兜水变咗‘屎水’,原来啲猫粮冇清乾净,又是但加咗水落去,成兜咪变咗啡色,好核突啰。”​
|