两个女友先够数！何广沛享齐人之福 唔怕朱晨丽嬲

etin

港姐季军郭柏妍（Rosita）跑赢同届三甲，于无綫新剧《双生陌生人》孭飞做女配角饰演见习律师，剧中跟何广沛及蒋家旻发展出一段三角恋，问到Rosita可会有亲热场口？她怕丑笑言剧本未写到，但表示可以抛开港姐包袱：“只要角色需要我都可以接受，公司写（亲热戏）咩尺度就咩尺度，相信唔会太过火，就算要我唔化妆出镜都得！”

Rosita继参演《白色强人II》后，第2次加入剧组，戏份暴增令她感到紧张，私下密密做功课：“背熟剧本先入厂，会畀心机，好开心有呢个机会，同何广沛最多对手戏。（要背好多法律专有名词？）唔多，依家晚晚半夜都有睇《律政强人》参考吓。”

因何广沛当年有份参演《律》，Rosita笑指趁睇剧认识对方，男方即笑说：“系咪睇吓我当年做得几差？哈哈！（你睇番觉得自己做得唔好？）又唔系，反而《律》监制有搵我讲锺意当时嘅我，叫我下次畀番佢。”

问到周旋于郭柏妍和蒋家旻之中的何广沛，最终情归于谁？他同样谓剧本未写到，但追问想拣边个时，他抵死笑话：“我系唔会拣，2个都会要。（享齐人之福？）梗系啦！2个女仔都咁好！点解要拣呢？手掌又系肉、手背又系肉！（咁想同边个有亲热戏？）呢个要问编审先！（咁讲唔怕绯闻女友朱晨丽嬲？）又关佢事？做嘢啫！”笑问现实中都想拣2个女友？他讲笑表示：“唔好将真嘢讲出嚟！心入面想，但实际系冇，哈哈！”​