艺人陈凯琳到电视城为节目《日日妈妈声》录影,讲到母亲节将至,她表示是首个与2子度过的母亲节:“当然就由老公(郑嘉颖)安排啦,叫佢简单搞就得啦,会食餐饭,同我妈咪仲有奶奶,加埋我自己‘3个妈咪’一齐庆祝,嚟个世纪大合照。”问到大仔识整手作送给她?她表示未,但分享一件窝心事:“前几日细仔9个月大,搵人送咗个蛋糕去我屋企,大仔之前未识同人分享,但佢知个蛋糕系畀细佬,所以第1啖系喂细佬食,之后就自己食番,但我已经觉得好Warm,即刻拍低个画面。”
问到大仔识锡细佬未?她谓:“未识,但OK啦。(识照顾细佬?)我喂奶时会叫佢帮手攞奶同纸巾畀细佬。”但问到大仔可有呷醋? 她说:“都有少少,好难拿捏,始终多咗个人,有时抱细仔佢都有啲唔锺意,所以要同佢沟通,话妈咪2个都抱、2个都锡,如果做得唔好,条路就好难行。”​
|