搵卫诗雅慰借顶替连诗雅！陈家乐：好开心好稳定

etin

艺人陈家乐及卫诗雅出席英皇电影《感动她77次》首映礼，讲到2人黑白打扮十分相衬，诗雅即谓：“我哋冇夹过㗎，佢成日跟住我，又跟我住边。”问到可是搬了屋？家乐只谓：“因为佢成日对投资有研究，我唔系好熟，我依家都跟佢煲韩剧，我哋睇完剧会喺度互相慰借，讨论剧情。”问到可是寂寞要搵人慰借？家乐即笑言：“夜晚无聊吖嘛。（因为女朋友连诗雅唔喺香港？）低调，唔讲呢啲啦。（佢喺社交平台隔空送心心畀你？）咩呀，总之好开心、好稳定，我讲我个人呀，哈哈。”然后他扯开话题谓拍完《金手指》有1个月得闲：“所以就每日做运动，又煮嘢食同煲剧，都大只咗好多。”

诗雅亦大赞他大只：“我都有跟佢健身，做到手痛仲有问佢借按摩枪。”家乐即乘机向她追数：“佢都仲未还按摩枪，成万蚊㗎。”诗雅即笑言：“佢支按摩枪好嘈，开咗好似洗衣机咁，太重又要搵人帮手用先得。（叫家乐过去帮你咪得？）唔好啦，佢太惹火，好危险！”家乐即不想她再讲下去：“按摩枪唔使你还啦！”场面搞笑。​