谭俊彦分享夫妻相处之道 龚嘉欣学做好人妻

etin

艺人龚嘉欣日前拍摄《十八年后的终极告白2.0》，该场口讲述16岁的嘉欣为保护弟弟惨被继父打。她指新剧没有动作戏，但情绪起伏大又沉重，所以有一定难度。提到要演16岁少女，她笑言起初亦觉得未必能胜任：“不过导演话得就得，套戏由16岁演到30几岁。”

咀戏变成笑柄

剧中她与谭俊彦（Shaun）有最多对手戏，坦言拍摄前完全不认识对方，虽然曾合作《包青天再起风云》，但当时对手戏非常少，今次才算是正式合作：“我同佢有感情线，之前拍咗啲亲热戏，但当然冇上一套（剧集《香港爱情故事》与罗天宇的咀戏）咁夸张，系好认真嘅接吻戏。拍嘅时候觉得好搞笑，大家成日攞我哋嚟开玩笑，不过唔会尴尬。”

赞拍档开工认真

嘉欣又大赞Shaun是个好爸爸，经常教导她：“佢会分享番第1辑嘅嘢，又会同我讲吓佢屋企同埋夫妻相处之道，可能佢觉得我将来都要做人妻同做妈咪啦！佢真系出名嘅‘爱妻号’，佢太太都有嚟过探班，佢每日食完晚饭都会同小朋友视像，我都有份。同佢合作好开心，佢对套剧好认真，大家有时间就会研究定下一场，有时前一日就会讲定第2日嘅戏，我几锺意呢个工作模式。尤其第1辑反应好，我都想做好啲。（有冇压力？）咁又冇，反而系谂点样再进步，我对自己都有要求，总之希望畀到惊喜大家。”