汤洛雯终极素颜曝光 马国明做“三陪男友”

etin

艺人马国明上月初为新剧《白色强人II》到深圳及上海拍摄，女友汤洛雯（靓汤）饱受相思之苦，又要忙搬屋，独力为迁入市值半亿元的马鞍山独立屋张罗打点，在没有男友支援下，难免心神恍惚，搬屋时不慎受伤。日前知道男友返港，她即发挥嗲功，与独角兽公仔锡锡兼自拍，并甜爆留言“Unicorn kiss（独角兽之吻）”，马国明亦懒理被指肉麻，心急地以3个亲吻符号回应。

素颜晒仙气

公开“献吻”当然不够，马国明甫返港即展开“冧汤”计划，做“三陪男友”：陪玩、陪食、陪搬屋。据知他不但亲自帮女友搬屋，更陪女友出席朋友聚会，同时他因“饿波”已久，故不忘相约好友踢足球以止波瘾，陪女友之馀又冇冷落朋友，体力惊人！靓汤的好友网晒聚会照，原来靓汤与马国明拍拖出席朋友囡囡的生日派对，相中的她不施脂粉，合照时紧贴男友，小鸟依人，网民赞她素颜反而更添仙气。

靓汤接受电话访问，她透露将开拍新剧，故忙搬屋之馀，还要刨剧本做功课。对于被赞素颜仙气爆灯，她说：“嗰日去咗朋友BB嘅生日派对，我冇化妆，因为每日都要执嘢，搞到冇得瞓咁滞，所以都有啲残㗎！（男友帮你搬屋？）哈！佢帮少少啦！始终有好多女仔嘢要执，主要系我自己搞，同埋有请搬运公司，依家我大部分时间都系开箱摆番好啲嘢，同埋要打扫。”

至于马国明受访时，笑言“帮唔到几多”：“唔系特登早啲返嚟，拍晒就返。佢有搬运公司帮手，所以唔使我帮，同埋佢都未搬晒，有排搞，要慢慢嚟。我只系帮到少少，始终搬床嗰啲有搬运公司。”

​