庄思明无悔爱得攰 嫁硬杨明！

etin

艺人庄思明与杨明拍拖5年，携手经历高山低谷，跨越重重难关。目前受官司影响的杨明全面停工，幸运地获女友义无反顾支持及陪伴。思明不讳言已视男友为终身伴侣，从未有丝毫悔意，亦没有打算放弃这段感情，更大爆被双方母亲催生B，不排除年内随时步入教堂。

庄思明形容与杨明的相处，尤其近两年经历社会事件及面对舆论压力，箇中感受只有他们两个最清楚。问到有否遇到想放弃这段感情的一刻？她爽快答：“冇！因为真系经历咗好多。有试过觉得好攰嘅，我咪匿喺房冷静吓，想办法释放情绪，跟住就冇嘢嘞！我同自己讲，关关难过关关过，人生就系咁㗎啦！（杨明求咗婚？）佢周围同人讲等我求婚，话我要佢等咗咁多年喎！（婚礼今年完成？）未知，真系要睇疫情，人生大事嘛，梗系想至亲好友喺齐度见证啦！”

改变自己迁就男友

别人眼中的杨明或许没甚特别，思明却视如瑰宝：“我最欣赏佢乐观、单纯、冇机心同孝顺。佢唔会谂人有乜唔好，有时随和到令我忟，好似试过有朋友十几年冇搵佢，一联络就有嘢要帮手甚至借钱，我叫佢了解清楚先，对方系咪输咗钱、欠大耳窿呢？佢会话番我谂得太多，会冇晒朋友，呢样可以话系我哋唯一嘅冲突！”就因为对男友的了解及信任，她甘愿改变自己作出迁就：“以前如果前面有墙，隔一条街我都提咗佢先，依家我会由得佢，除非佢真系撞埋去啦！”

赢得未来外母欢心

她刚完成新版《十月初五的月光》拍摄，剧中她扮演男主角“初哥哥”胡鸿钧妈妈的年轻版，令她对生儿育女有所反思：“我好锺意小朋友，计划中起码生两个，坦白讲都开始赶时间嘞，咁生咗又冇理由乜都唔理，净系顾住做嘢，相信到时我会作出平衡。”她更自爆双方妈咪一早已抱孙心切：“两位妈妈都思想前卫，觉得唔结婚唔紧要，最紧要有B，尤其我妈咪见到我养咁多宠物，趁机叫我不如养人仔好过，唔明点解唔催我家姐先。”她坦言这年代“先有后婚”亦不是问题，反而男友性格较传统。原来杨明早已赢得未来外母欢心，思明透露：“我妈咪好锺意佢，两个几乎每日一电，妈咪反而少搵我。（你呷醋？）又唔会，佢哋相处得好，我仲少啲烦恼，身为长辈最想都系我哋健康同幸福啫。”

虽然恋爱大过天，但思明对事业也不是没有期盼：“早几年觉得好烦厌，点解啲人留意花边新闻仲多过我嘅工作，咁样好唔公平，其实每次有工作我都好畀心机做，我亦有好好咁装备自己。旧年我续约，有同公司反映同争取（机会），但明白近几年太多新人，唔通仲同啲18、20岁争咩？但如果你问我系咪想以演员为终生职业，可以嘅话我梗想，话晒系自己兴趣嘛。”