张达伦为工作留须 囝囝见到怕怕

etin

艺人张达伦及李璧琦现身电台节目担任嘉宾，达伦透露刚在内地拍毕剧集《白色强人II》返港，提到隔离的日子，他说：“去内地原本要隔离21日，隔离途中话变14日，后来又话因为我哋剧组太多人，14日后大家要搬埋同一间酒店隔离7日，可以离开房，但唔可以离开酒店，我每日就系咁跳绳。最惨系呢段时间，我有份演出嘅剧集《大步走》、《失忆24小时》都播出，我都做唔到宣传。（喺内地拍戏系咪好辛苦？）比上一次舒服啲，上次出到露天地方5秒啲汗就好似倒水咁。”

他称现拍摄一套电影，戏中造型要留胡子：“囝囝见到我都有少少惊，佢又会想锡我，试吓系咩感觉。（你去内地拍剧，佢好挂住你？）我同佢倾视像通话，佢口话挂住，眼就睇实电视，睬我都傻。”

至于璧琦表示以乐坛新丁身份宣传，她最近推出了电影片尾曲：“其实我2018年出过EP，不过当年喺加拿大同美国做发布会，后来喺香港书展都有卖过呢只EP，反应好好。今年好多朋友都自资做音乐，所以都启发到我，新歌系我自己投资，系血汗钱，我做埋填词，仲有MV都系一手一脚自己搞，我好感激好多朋友冲出嚟帮我手，佢哋好支持。我嚟紧会再出第2、第3首歌，之后会夹埋上一张EP嘅歌出唱碟。”​