“口罩小姐”肥妹沙滩操Body 浩南食花生做军师

etin

《最后一届口罩小姐选举》双料冠军“浩南”郑伊琪和落选的“肥妹”李文洁（Liz），原来是相识多年的闺蜜，浩南为了比赛于赛前3个月狂减24磅，结果摘下冠军，但其实Liz早过对方减肥，10几年前已由肥妹变成今日的索女，身高1米70的她重107磅，身材Fit爆。

早前2人结伴到屯门黄金泳滩，Liz则换上比坚尼晒太阳同时晒身材，之后在沙滩垫又趴又瞓，不停做提腿运动操靓线条，身旁的浩南从袋里倒出大量零食、水果及大支装饮品，边食边对做运动的Liz指指点点，2人反差极大。

1日食4餐增肥

Liz嫌自己太瘦，对身材未感满意：“我想有线条啲，想操到欧美身形，腰幼股大，依家唔兴太瘦，着衫冇线条唔靓。（浩南系咁食，你系咁做运动？）佢之前减肥好耐，比赛完咗放松吓啰！佢都好畀心机做运动，一路食一路做先开心。我都有食嘢，依家仲要逼自己1日食4餐，要食多啲肉，想好似超模Gigi Hadid咁靓身形。”

Liz表示与浩南会互相督促饮食和运动，本身有经营泳衣网店生意的她，经常做泳衣模特儿，但不会邀请浩南示范：“佢行气质同搞笑路线，着泳衣唔系佢性格，佢好守身如玉㗎！以前我哋去泰国旅行喺酒店游水，佢着住短袖Tee同短裤就落水。”浩南反驳：“着一件头都可以嘅！”

​