同阿Sa再续“母女情” 惠英红重遇初恋情人

etin

影后惠英红与蔡卓妍（阿Sa）在英皇电影《感动她77次》再合作，继之前的《原谅他77次》后，再续“母女情”，惠英红笑说：“呢个妈咪角色，喺两集遭遇各有不同，上次遇着个比较粗暴嘅老公，唔识珍惜身边人，系个几委屈嘅旧社会女性，甜酸苦辣都喺肚里。喺《感》中丈夫离世，重遇初恋情人，都5、60岁，点算？”

戏中有趣的是，她的丈夫与初恋情人均由郑丹瑞一人分饰，她说：“虽然第1集，我老公角色唔系太讨好，但观众好喜欢，非常接受呢个合作班底，所以新1集，我嘅角色千拣万拣，都希望似番老公，于是初恋情人就由旦哥（郑丹瑞）再演。”

她与导演邱礼涛是相识多年的好友：“我10几岁就同佢喺邵氏共事，一大班人收工后食饭、打波倾偈，可以话系一齐成长，佢强项系对社会触觉好敏锐，多年来唔只识拍《人肉叉烧包》，仲愿意尝试其他题材，拍爱情片一定要接地气，唔系年轻观众会睇唔落去，可见导演系个与时并进嘅人，正如我对社会转变都好敏锐，如果一个人唔想同社会脱节，就一定要保持呢种敏锐。”

惠英红觉得阿Sa与周柏豪比上集成熟了，对生活与爱情的想法均较上集有进步，她说：“如果我有儿女嘅话，都会同电影一样，系个几开明嘅妈咪，人生短短几十年，如果有缘走埋一齐，就唔应该浪费时间，我觉得佢哋有啲浪费时间，既然相爱，何不包容与珍惜对方呢？”​