《白色强人II》煞科！马国明叹唔易：拍剧以嚟最深刻一次

etin

艺人马国明、陈豪、郭晋安、唐诗咏、胡定欣及张曦雯于内地为无綫重头剧《白色强人II》拍摄外景，经过个多月的隔离及拍摄，大家终于顺利完成最后一场戏，既开心又不舍。于监制罗永贤带领下，齐齐开香槟及食煞科饭庆祝。马国明接受访问时坦言今次外景拍摄是入行以来最深刻、难忘的一次。他谓：“真系好难忘，一来因为疫情关系，大家一嚟到就要隔离，感觉好特别，而且我哋成队Crew有40几人，过程就好似成个团队一齐共患难，经历咗好多嘢咁，我哋拍摄中途都做咗几次检测。”他又指拍摄期间都去了4个地方，包括上海及山区：“行程都好紧密，好多谢监制罗永贤，佢一直带住我哋成班人度过咁多困难，导演、PA佢哋都好好，有乜问题一齐解决，今次好多阻滞，但拍到最后一日都好开心，大家食咗收工饭，好热闹，成个团队感觉好强，希望疫情快啲过去，以后唔使过咁嘅‘患难’。”

说到剧中有很多手术室戏，马国明表示拍手术戏比动作场口更难拍：“一啲都唔容易拍，我够胆讲拍手术室嘅戏比拍动作戏更需时，每一个过程、动作唔可以错，拍得好仔细，要好多嘢配合。其次我哋有立法会、开世卫会议嘅大场口，上海嗰个礼堂景喺香港系冇可能搵到借嚟拍，真系好靓，成班人开会拍多个角度，全场坐满晒人要畀反应，一啲都唔容易，好感激整个团队协力。”

至于唐诗咏出发后就水土不服，不停屙兼皮肤敏感，她谓：“都好严重，我第一次咁样，成块脸红晒，起晒粒粒，可能天气开始转唔习惯。隔离完啲朋友都有寄啲护肤品嚟打救我，差唔多成个拍摄期我嘅皮肤都系一直Keep住敏感，依家拍完咪冇事啰！次次都系咁㗎！真系要监制帮手，做后期帮我执靓佢！ ”

而胡定欣亦指今次行程很丰富，中途去上海又去清远，更指清远很值得去。她谓：“虽然我哋来回用咗6个钟头车程去嗰度拍一场大班人围住开会嘅场口，真系好难先搵到嗰个圆形室内景。”剧中她饰演肿瘤科医生，一个很强的角色，首次穿起医生袍演医生的她，表示甚有使命感，说到拍手术戏，她谓：“我第一次拍手术戏，好在现场有专业医生指导，我哋都问咗好多问题，要喺嗰秒好专业畀做到啲动作，真系唔容易。（有冇手震？）咁又冇，不过马国明仲辛苦，佢比我仲多手术戏份。”

陈豪就于拍摄期在当地过生日，除了获剧组为他庆祝外，他最开心是可以百忙之中抽时间于当地出席商演活动，搵真银之馀更有一大班Fans于现场为他庆祝，大会更特制了一个有“全家福”的Family Cake给他，相当有心。他受访时坦言今次拍摄都很顺利，更感恩这段期间太太陈茵媺帮忙独力照顾家中小朋友，真的不容易！​