拍古装畀导演嫌肥 陈滢食菜日减1.5磅

etin

艺人陈滢有份参演的抗疫电影举行首映礼，她笑言：“去年尾返温哥华探屋企人，返嚟隔离完就为电影开工喇，只系当时疫情爆发，所以低调啫。其实每次由加拿大返香港都会肥咗，相信阵间大家睇戏，都会留意到我暴肥。”谈到即将开拍古装剧，她表示已试造型：“我演类似女将军嘅角色，啲衫十层厚，首先就觉得好热啦，导演睇完我个造型，投诉我好臃肿，希望我减10磅先开工，我惟有控制饮食，依家净系食蔬菜，1日已经减到1.5磅。”提到今次于电影内，与两大男神张智霖及张继聪有颇多对手戏，她表示相当兴奋：“尤其阿聪系我嘅偶像，之前大家合作《四个女仔三个BAR》后，我每逢工作上嘅难题都会打畀佢请教，佢嘅意见好有用。（有关感情问题都搵佢？）又冇，呢啲问番女仔朋友好啲。”​