被弹“大件”！刘颖镟每日断食18粒钟 炼成S级女神

etin

2016年香港小姐亚军刘颖镟（Tiffany），19岁选美入行，身高1米76，拥有一双44吋煞食长腿，天赋条件优厚，惟当年却因Baby Fat，被弹身形太过“大件”！转眼间入行5年，经过近年努力减磅，靠“断食法”搣甩15磅，由M码女生变成S码“女神”！新剧出街更获赞“完美衣架”，她说：“自己比较高，如果重啲上镜就会好夸张，依家身形上镜会舒服啲。”

唔睇磅数　斋睇上镜

女士们为磅数上落感烦恼，她却有自己一套“目测”准则，她说：“系比以前瘦咗好多，但系我好少上磅，净系睇数字好多时唔能够直接反映现实，我会睇上镜去控制饮食，嗰排上镜觉得肥咗就会再忍口啲。”她对收身成果感到满意，但消灭脂肪的过程殊不容易：“对我嚟讲，断食法系最有效果，依家都维持每日大概食1,100卡路里，尽量食少啲，同埋唔食淀粉质。有段时间最极端18个钟头断食，6个钟食嘢，连食嘢嘅时间都要调节，最迟夜晚8点食晚饭，我Daddy都投诉话同我食餐饭都好麻烦。”

目前减到S码索女身形，她满意纤瘦程度，新目标为肌肉增强线条，她说：“依家冇之前咁Crazy减磅，会放松啲，畀自己每日8个钟食嘢，但都要注意饮食，始终控制饮食第一，第二先系运动，当然都要注重健康，唔对路就会自己调节。”

爱情冇着落　怕丑仔免问

她在剧集《大步走》饰演“A0”，即未拍过拖的女仔，戏外的感情状况亦差不多，同样捧蛋！虽曾传出绯闻，但她坚称冇拖拍：“依家工作为主，又唔会好恨拍拖，因为当时喺美国决定嚟香港发展，个心就谂住工作，唔会追求爱情先，因为工作仲未去到自己想有嘅成绩，所以唔会谂其他嘢。”至于理想对象，她相信不会是剧中罗天宇饰演的怕丑仔类型，现实中更不会主动出击，她笑说：“其实我都好怕丑，所以未试过追男仔，怕丑仔系几可爱，但系男仔都系有自己嘅主见好啲。”

未敢谂担正女主角

剧集出街，她亦有留意网民留言，觉得自己的演出尚算合格，仍有进步空间，她说：“中文、演技都希望有进步，自己有睇番演出，觉得都未够自然，依家拍紧新剧，都会谂番点样改善，唔想再犯同样错误。”又称没有定位要成为女主角，更为着重做好任何角色，获得观众认同、喜爱才是最大的满足感。

​