敖嘉年成日被易角 好在个角色冇爆

etin

艺人敖嘉年及徐加晴昨日现身观塘开Live。谈到主演剧集《欺诈剧团》已上架，嘉年开心表示：“反应真系唔错，好感恩。（你演嘅导演好落泊，现实生活中有类似嘅经历？）我演嘅导演角色甫出道就攞奖，以为自己好叻，所以得罪咗好多人。我本身就冇（得罪人），但过往10几年都成日遇到易角事件，本来个角色安排咗畀我，后来变咗唔系，唔知原因，但呢啲情形经常发生。（有冇角色换咗人之后，爆咗出嚟？）好彩冇，反应只系ok啫。”

他又谓拍《欺》剧期间，其中一场戏交代自己被Ban桥：“拍到感同身受，Cut机就喊咗出嚟。其实年头我睇番《喜剧之王》，莫文蔚同周星驰讲佢嘅角色畀咗其他人，以前睇到会笑，依家识喊，感受好唔同。”

徐加晴即自爆以往唱Demo时，试过获邀唱电影主题曲，原本以为机会难得，岂料最终主唱一栏却换上一位内地歌手名字：“把声系我，但唔知点解，嗰时得15、6岁，唔开心一定有，但唔敢问点解！”