|
艺人杨茜尧同老公罗子溢育有大眼爱女罗翊心（小珍珠），两公婆锡到个女燶，唔经唔觉原来小珍珠已经一岁生日！杨茜尧同罗子溢同囡囡大搞生日P，帮阿女着咗件“I Love Papa and Mama”嘅衫仔，再衬公主裙，而佢两个就着“I Love my Baby”嘅Tee，亲子装温馨到爆。 受疫情影响，见佢哋都冇大搞，只系喺个露天地方Set好生日庆祝Corner，有晒气球、Backdrop、Cupcake等全部粉色布置，佢哋仲为阿女订咗个有Q版小珍珠造型嘅两层大蛋糕，心意满分。
杨茜尧晒出多张现场相，当中唔少得佢哋一家三口全家福，佢仲留言亲自解释阿女乳名嘅由来：“你呱呱落地，袖珍的身子恍如一粒‘小珍珠’，因此，婆婆给你取了这个名字❤️”而佢同老公都分别留言祝福囡囡，希望佢永远健康快乐！ 罗子溢指今年女儿首次过生日，所以特别为她搞个小型派对庆祝：“因为疫情关系，所以呢个小型派对其实都考虑咗好耐，最后都决定搞，个派对喺杨卓娜屋企举行，我哋上网买咗啲布景板、砌啲图案，订咗蛋糕咁，同囡囡吹下蜡烛，留个纪念，等佢大个可以睇番，做啲我细个做唔到嘅嘢，帮到佢（小珍珠）影低啲相留念都系一件开心嘅事嚟。” ​
| 
窥视卡
雷达卡
发表于 2021-4-17 10:00:52
提升卡
置顶卡
沉默卡
喧嚣卡
变色卡
千斤顶
照妖镜