翟威廉感激伴侣：我唔系性上瘾！

etin

翟威廉今年生日收“大礼”，麦贝夷数爆前度“性伴侣多得惊人”，令矛头直指他，之后更被指“偷食”裕美！昨日他受访时斩钉截铁否认跟裕美有关系，虽然有性伴侣，但绝不是“性上瘾”、“性欲强”，只是普通男人！他坦承选择“只要伴侣”的生活，也许源于其复杂的家庭背景，令他对婚姻没有任何憧憬！

麦贝夷于上月29日翟威廉（William）生日当天，于网上大爆同日生日的“前度”性伴侣多得惊人，令William顿成嫌疑人物，他否认两人曾拍拖，又坦承身边有不同国籍的性伴侣。之后，麦贝夷继续“揞名爆”连番狙击，指“前度”是自己遇过“最差劲的贱男”，又大爆“前度”与她的闺蜜有一腿，令裕美及陈苑澄先后中枪。

向裕美讲Sorry

对于种种是非，William昨日接受专访，他指不想再多谈相关传闻，不过，对于跟裕美及陈苑澄的关系，他觉得必须澄清：“我对有关伴侣嘅身份问题，系与唔系，我都唔会作答，但呢次要破例讲一次，裕美、陈苑澄都唔关事，系一个大整蛊，裕美嬲系好正常，佢都有搵过我，佢亦用咗佢嘅作风去否认。（今次件事牵连到佢，佢有冇叫你道歉？）佢唔会叫已经一颈血嘅我道歉，但我都想同佢讲声Sorry。（其实你嘅性伴侣有冇圈中人？）冇！”

性格率直的他公开有不同国籍的性伴侣，令不少人都有所联想，冯镓潆（Naomi）更指希望他不会变成另一个张致恒。对于“性上瘾”、“渣男”等指控，William说：“我一定唔系性上瘾，呢个对我嚟讲系好普通嘅生活，唔会频繁，亦冇特别需求。至于渣男呢个问题，我觉得渣男系一啲应承咗而又唔做、出尔反尔嘅人，我一向好守规矩，亦对我嘅短暂伴侣心存感激，喺呢段时间大家互相陪伴。”

他直言明白到自己的言论可能会引来无限遐想，好像每晚都有不同性伴，夜夜精彩，但事实是大家想多了：“我明白正常都会咁谂，但其实有性伴侣呢个生活模式，只系占我生活入面嘅一小部分，只有2成左右，其馀嘅时间我都系工作，营运清酒店、练歌、学嘢，完全冇停过，呢个先系我，至于另一个模式，我只系有人问到先去提到，乜嘢酒池肉林嗰啲，绝对唔系！（几耐见伴侣一次？）呢个唔系竞赛亦唔系收藏品，只系普通生活，冇特别去记，如果你问会唔会好多？就一定唔系！”

放弃“富二代”生活

自与陈庭欣分手后，William单身7年，宁选择“伴侣”生活，坚拒拍拖、结婚，有指全因其家庭背景影响，他与哥哥是同母异父，妈妈带着大仔与翟父在一起，并生下William，之后他的父母都分开了，母亲其后认识了富商男友，他与哥哥一度过着“富二代”生活，及后因种种原因，两兄弟决定不靠养父“父荫”，放弃所有富裕生活，自己打天下。对此，William承认：“大致都啱嘅，我屋企背景真系好复杂，可能亦因为咁，令我冇乜结婚嘅观念，因为屋企实在太多嘢发生过，但依家都咁大个人，真系唔想多讲，只系想好概括咁讲，依家大家都幸福嘅，总之，家家有本难念的经。（哥哥点解都系姓翟？）因为佢同我好好感情，佢想跟我同姓，我哥哥同我一样都系未结婚，我反而想佢早啲结婚，我少啲担心。（妈咪冇催？）佢对婚姻都系冇乜信心，只要我哋开心，佢就开心，相反，我都系，最紧要妈咪开心。”

至于裕美对于William的道歉，她说：“唔紧要，我觉得佢惨啲，有时我都会Send啲报道畀佢睇，讲笑话：‘辛苦你！’佢咪无奈苦笑啰，我嗰啲就纯粹笑料一则，咁都关我事？我只系知威廉同麦贝夷都冇拍过拖。”