歌手谢安琪(Kay)同老公张继聪育有一对仔女,大仔张瞻、细女张靖(Karina),两公婆平时都经常分享同小朋友嘅生活点滴,但就甚少放正面相,虽然Kay有帮囡囡开社交平台Account,惟一直以嚟都系得2张相,时间停留咗喺2017年、即系Karina出世嗰年。
不过!最近疑似转行做农夫嘅Kay,除咗用心务农之外,就系经营Karina个社交帐号,由上月底开始Upload多张囡囡嘅靓样相,啱啱过咗4岁生日嘅Karina愈大愈靓,着起裙仔零舍Girly,而且表情同Pose都多多,影张学生相都Model上身摆个Poker Face出嚟,真系估佢唔到!另外,Kay又代囡囡把口用英文出Post:“我见到好多人都话我似爸爸,我好开心,因为我觉得爸爸系最有趣嘅人,我希望可以好似爸爸咁将幸福、快乐分享出去。”呢番说话仲唔冧爆张继聪!
不过日前Kay更囡囡出出享天伦时,当女儿要求玩“飞高高”时,Kay开始发现自己力有不逮,感触表示:“我发现自己已经不够气力把你抱得高高的,是因为……手臂......吗?老实说,当刻我是非常心虚的,很久很久没有到健身房,是体能差了很多吗?应该是有一点关系。”
但之佢话原来最真实原因系女儿“长大了高了重了”:“我大概快抱不起你了,以前跌跌撞撞的小胖腿,现在跑得飞快伴你到处去。我知道它会带你走得很远攀得很高,所以我也知道,我要好好照顾自己,然后便可以一直这样,快乐地快乐地伴着你。”​
|