艺人张致恒(Steven)早前被𡃁模冯镓潆(Naomi)公开追债,直至上月24日被爆居住的元朗村屋外遭人贴街招追数,始揭发张致恒一家已搬离上址并断绝外间联络,即有传他们疑着草避债。事发至今失联达17日,昨日Steven老婆区燕雯突然于社交网发“亿”字长文,并点名狂批Naomi。雯雯一开始提到感谢对方愿意借出2万元应急,并为迟还钱致歉。及后,她逐点澄清外间传闻,指未有消失“走数”,更自爆为还钱给Naomi不惜去财务公司借钱:“我哋去到绝路已经去咗借财务,去还一半钱畀你先,好抱歉我哋冇能力一次过还清2万蚊畀你,我哋亦已经承受紧我哋要承受嘅,畀财务贴街招甚至追上门。但系我依家喺呢度答应你,我一定会用尽我嘅能力两个月内还埋呢1万蚊畀你。”
她续指Naomi为追债而骚扰其家人包括妈咪:“我嘅家人系无辜嘅,你要嬲要追我哋还钱可以嚟搵我哋一家四口,但系点解叫我哋还钱嘅时候,要用我屋企人嚟威胁我哋去还钱畀你,点解要讲到搵人去骚扰我嘅妈妈拎返属于你嘅钱。”而讲到有指其生活富贵,住靓屋兼养狗,她就解释所住村屋位置偏僻,租金并非高昂,养宠物则是早在结婚拍拖前已开始,故宁愿挨穷也不想弃养。至于讲到买玩具给两个儿子,她则指只是亲戚送赠,并斥祸不及儿子:“我系争人钱,但系咁样系咪代表我唔可以生活唔可以生存?我两个小朋友咁细,系咪就唔可以有佢哋嘅童年?我争人钱未有能力还,我承认我系有罪,但系我两个小朋友佢哋点解有罪?”
另外,她亦为Steven护航,指他是好爸爸亦已努力工作,每次一有收入已立即还钱,扬言:“一个男人衰咸湿衰贪玩,系咪就要判佢死刑?既然佢依家咁努力去生存,点解唔可以畀啲时间佢慢慢做番好佢照顾两个小朋友?大家可唔可以高抬贵手,畀我两个小朋友可以有一个爸爸,我哋一家四口可以生存落去。”她最后承诺未来会陆续还清所有债务,绝不会“走数”。
Naomi否认曾骚扰张致恒家人:应该去报警 Naomi对于张致恒太太所发的长文,接受访问时,否认找人去骚扰对方的家人,并扬言:“如果有咁做,你应该去报警。其实借人钱要还系好应该,冇咁大个头唔好戴咁大顶帽,生活同生存都要靠自己双手同努力,有手有脚就去搵份工。唔好觉得人哋去追债就系逼你,你唔借钱就唔会有人追你,你本身唔系使大咗,就唔需要问人借钱。如果有个花园嘅村屋、饮支樽装水、可以喺花园烧嘢食、有工人都唔叫富贵,咁可能对我呢啲屋邨出身嘅女仔嚟讲,觉得呢啲生活系好奢侈同富裕,我谂一般打工仔都未必可以屋企有个花园,去养小动物同请到工人。” 她续指收了一半还款后,自己已没有再去追债:“希望张生喺大陆搵到钱嘅时候,第一时间还畀我先,以后再有任何人上门骚扰,就可以避嫌唔关我事,唔好事旦有一个人上门追债又话系我,呢个我觉得好烦。佢哋当初要求我唔好回应,等事件唔好发酵,咁都希望佢哋唔好将呢件事无限loop,争人钱系事实,未还晒系事实,佢无论出几多个post我都系会要求佢还晒所有尾数,都希望佢唔好再用小朋友同宠物去做挡箭牌,认真地去搵份工,真金白银赚钱去还畀所有债主。”她强调不会助长借钱唔还的歪风。
|