加签无綫经理人约先有得留低？菊梓乔乜都唔知

etin

何丽全掌管星梦后，有传要求星梦歌手加签TVB经理人合约先“有得留低”，据知菊梓乔、林颖彤、谭嘉仪及戴祖仪都会签约。对此菊梓乔接受访问说：“乜都唔知，本身两边仲有合约，要佢哋倾先得。”

谭嘉仪就否认加签传闻：“合约上简单嚟讲一直都属TVB！现在我嘅经理人约属TVB，而唱片合约都系TVB嘅星梦娱乐！其实变化不大。（唔系加签？）我上年刚刚续咗TVB经理人合约，所以唔使加签啊，而歌手合约都依然系星梦，所以之前同依家分别都唔大。”

林颖彤同样否认加签传闻，不过坦承因近日TVB高层人事变动，其星梦经理人合约已转为TVB经理人合约︰“依家就统一番，变番TVB经理人合约，而星梦份约（唱片合约）都仲喺度，变化都唔大，同经理人份约个年期泊埋一齐。”

至于戴祖仪就谓不方便公开合约内容，只表示一直与公司保持良好关系，会继续努力工作，感恩拍新剧及正筹备跨公司的合作歌。​