陈家乐赶结婚生仔 讲定非“诗雅”不娶

etin

艺人陈家乐与卫诗雅（Michelle）主演的英皇电影《不日成婚》，将于4月1日上映，他们于戏中饰演婚姻观有分歧的恋人。提到电影主题围绕了不少两性话题，2位主角直言很有共鸣。问到对婚姻的看法时，家乐直言“想快啲”：“同我年纪差唔多大嘅，好多已经结婚生仔，我有时都会幻想吓家庭生活系点，同埋计吓数，自己都一把年纪，再迟啲生嘅话，够唔够精力同个小朋友玩？依家仲可以，但将来50几岁就跟唔上，有仔趁嫰生系啱嘅！（咁系咪已经有结婚计划？）又仲未有，婚姻唔系我一个人，要睇乜嘢情况，同埋遇到乜嘢人，要一齐做。”

谂起“老婆”即甜笑

问到心目中的理想太太要有甚么条件？家乐说：“好少谂，锺意就得，要有共同想法！”虽然他表示未有细想，但问到连诗雅做“理想老婆”是否合格时，他即笑得十分灿烂，并说：“唔……依家唔讲呢啲住……（相处好开心？）系啰！”再问到可有老婆人选？他即摆老友上枱，指一指Michelle笑说：“诗雅啰！”

分手先识后悔

单身的Michelle则坦言对婚姻有恐惧：“我好惊结婚，觉得结婚就冇得打机，同埋生咗小朋友就要好好照顾佢，我未有咁嘅能力。”至于讲到分手话题，家乐自言分手后就会后悔，可惜一切已无法挽回：“好多时系睇唔清好多嘢，思考上唔系一个咁理性嘅人，好多时会感情用事，成日做错决定，好彩身边人会提点我，同我分析番。我都系要一段时间后，先睇清楚真相嘅人。（咁咪走宝？有冇谂过追番？）过咗去都追唔到。”

​