艺人王君馨去年踩过界,以G. Racie身份杀入乐坛,近日再推出歌曲《尖叫》,MV中与林德信激战连场,获网友大赞无论视觉同听觉都极尽享受! 《尖叫》呢首歌王君馨除咗有份唱之外,仲自己做埋MV导演,真系咪话唔辛苦!近日佢喺社交网公开拍MV花絮,见佢由朝拍到晚,非常认真,一开始仲同老公嚟个视像通话,为自己打打气!点知拍摄第1个场口就已经超时,影响到后面进度,拍到凌晨4点半时,君馨仲因为超时拍摄问题,同工作人员起争执:“冇10分钟,搭7啦已经,25分钟之后一定要走,我唔理个光靓唔靓,我都要拍,因为我畀人告㗎喇!”之后君馨施展浑身解数,最终都系用咗20分钟拍摄呢场水中跳舞,仲搞到脚痹同抽筋,令网友大叫心痛!
|