艺人江嘉敏近年是非缠身,先是跟好姊妹冯盈盈闹不和,之后又被封为新一代姣精。近日她遭一位自称是其前粉丝的网友,在网上讨论区出Post,力数多宗罪,包括EQ低、贪心、态度差、讲是非等,叫她自我检讨为何近年有大量粉丝流失。前粉丝举例说江嘉敏在台湾时曾叫当地粉丝帮手买两打三文治,并要送到去机场,航班提早却没有预早通知,最后该粉丝要搭的士赶去机场,当正粉丝是下人,还附上对话截图。另一位网友就大爆两年前卖衫时,江嘉敏试过嚟铺头𢱑赞助,人前笑笑口,但背后就讲其他人是非。
对于被插是双面人,狂数她多宗罪,江嘉敏回覆直斥是无中生有,她逐一反击,被指叫台湾粉丝买三文治手信一事,她解释不是手信,当时她在台湾拍剧,一个台湾粉丝去探过他们几次班,她说:“个粉丝好好,成日买水果、饮品、三文治畀我哋全部剧组人员食,唔系净系请我一个食,佢都系我哋个剧几个同事嘅粉丝,唔系我一个粉丝,我觉得粉丝嚟探班,问我哋想食乜系好普通嘅事,唔明啲人点解要扭曲抹黑人哋嘅好意。” 至于她在网上问粉丝搵气球,疑似“攞着数”,她说:“我系要搞派对,想问吓大家参详意见,冇叫佢哋去买或搵。”至于搵衫𢱑赞助,她反击这个指控绝对冇可能:“无论我化妆、发型、服装,关于我嘅工作、我嘅需要,我绝对唔会叫任何一个粉丝去处理,因为我有经理人,我公司会帮我处理晒所有嘢,其次我都识好多客户,佢哋好疼锡爱护我,去乜嘢event,佢哋会帮我拣适合嘅衫,我又有自己嘅stylist(形象指导),我嘅工作绝对唔会叫粉丝做,如果唔系点解要畀钱请stylist?唔可以扼杀佢哋嘅努力同好意。” 最后她表示唔系事实唔回应,她说:“自称粉丝即系假啦、扮系我粉丝,睇佢所讲嘅嘢,佢真系唔了解我,系完全作出嚟,而且呢排好多假帐户,我留意到佢哋不停讲粗口、咸湿嘢,恶意抹黑我,我都block(封锁)咗好多帐户,同delete(删除)咗成2,000个留言。”
|