陈诗欣生日晒幸福 余香凝邓颖尧大住肚踩上门催婚生B

etin

女神陈诗欣（Eunice）昨日踏入28岁，佢嘅2位大肚婆闺蜜余香凝（Jennifer）及邓颖尧（Yoyo）踩上门为佢搞生日Party！Jennifer大晒合照，仲趁机催寿星女结婚生B：“每年同大家庆祝生日，嗰种期待已经等于一个节日，今年疫情冇得出街食饭，为咗公主开心，我哋都准备咗好多嘢，仲准备多咗两个人仔陪佢过生日，呢张相有5个人🤰🏻🤰🏻🙎🏻‍♀️，差你咋！快啲❤️契妈 祝你要乜有乜💕”Eunice就笑言：“最惨系成日问我今个月有冇姨妈到，烦！”而为咗影靓相，素颜上去Eunice屋企嘅2位客人，竟然要寿星女帮佢哋Set头，又用埋主人家啲化妆品，食人啲嘢，真系够晒“客气”！最后3人齐齐大骚美骚影相，又食烧肉庆祝，Jennifer笑言都有付出，就系用气球帮手布置！Eunice亦晒出男友Joshua从后揽住佢、向佢献吻嘅相放闪！爱人同好姊妹都喺身边，真系幸福又Sweet呀！​